القلب اللى جرحناه مايستاهلش
اى جرح بايدينا
كان قلب طيب مايستحملش
لو لحظة عليه قسينا
ليه جرحنا يا قلبي ليه
حرام نقسي فى يوم عليه
كان اكتر قلب حبنا
وعمره ما اتمنى بعدنا
سامحنا طول حياته
هتحن لذكرياته ؟؟
ولا عمرك يوم حبيت
ولا بجرحه فى يوم حسيت
ولا انت يا قلبي باين
قدامه بتبقى خاين
عـدت سنـة مـن يـوم فـراقـنـا
وفى يوم لقيتها جاية وبتقول
دى غلطة حياتى كانت وداعنا
ودا وعد انى احبك على طول
وكنتى فين لما كانت دموعى على خدى
وزمـان كـنـتى رفـضـانـى
دا انــتــى الــلــى قـلـتــيــلـى إنــك أدى
وأنا هدور على واحد تانى
وقاسيت ليالى كتـير
وفى حبك كنت أسـير
وإنتى اللى جرحانى
جـرح لـسـه كبـيــر
وقابلتى واحد تانـي
فضلتى معـاه ثوانى
سـبــــتيـه وجـيـتيـلى لانــه
مقدرش يملى مكاني
دلوقت فيه واحدة تانية
حـسانى فـى كـل ثـانية
مقدرش أسيبها وأمشي
علشان واحـدة خاينـة
إنتى بجد ماتستاهليـش
أستناكي علشان أعيـش
كـدب خـداع وجـراح مـوجـودة
لكن حب وصدق مفيش
عايـز أفتكرلك .. كلمة حلوة
يعنى مرة قولتهالك
أيوة ب اعـتذرلك .. عن إساءه
لو فى مرة آسأتهالك
بس اللى.. أنا عايزك ياحبيبتى تعرفيه
لو لقيتِ إن كلامى صعب إنك تفهميه
إسألينى ألف مرة يبقى قصدى منه إيه
أصل إنتِ لو سكتِ .. عدى وقت فيه غلطتِ
كل غـلطة ح تغـلطـيها
ح اردهــــالـك
لما أكون ناوى أصلح بكلامى
أى غلطة بتعمليها
ليه بتاخدى كلمة واحدة من كلامى
وتقوليلى أقف عليها
علشان فى الكلمة قسوة
طيب ليه عامله ناسيه
ألـف كلمة جـمـيلة ثانـية
قولتهالك
بس اللى.. أنا عايزك ياحبيبتى تعرفيه
لو لقيتِ إن كلامى صعب إنك تفهميه
إسألينى ألف مرة يبقى قصدى منه إيه
أصل إنتِ لو سكتِ .. عدى وقت فيه غلطتِ
كل غـلطة ح تغـلطـيها
ح اردهــــالـك
أنا قصدى ياحبيبتى من كلامى
بس والله كل خير
مهما كان فيه شىء بيجرح
بكرة يذبل أو يطير
دققى فى كل كلمة
ح تلاقيها نور فى ظلمة
شمعـة بـتـنـور حـياتـنا
ب اهـديهالك
بس اللى.. أنا عايزك ياحبيبتى تعرفيه
لو لقيتِ إن كلامى صعب إنك تفهميه
إسألينى ألف مرة يبقى قصدى منه إيه
أصل إنتِ لو سكتِ .. عدى وقت فيه غلطتِ
كل غـلطة ح تغـلطـيها
ح اردهــــالـك
رضيت أنا بالسكات
وقولت هاتحن في يوم
لقيت الوقت فات
ومعاك دائمآ مظلوم
ألايام جنبك لقيتها
بتفوت من غير ماأعشها
مابين جراح وعذاب
و ألام وياك حستها
يا خسارة عمري اللي ضاع
جنب قلب ماحسش بيا
حرام عليك ليه قلبك باع
وهانت عليه دموع عنيا
ولا حس بقلبي يوم
ولا حس بشوقي ثانية
نفسك ارجعلك تانى
وانا نفسى اكتر منك
بس نفسى القى مكانى
موجود لسه فى قلبك
نفسى لما ابيع كل الدنيا
وارجع ليـــــك
ايديك تفضل جوه ايديا
وعينى ماتفرقش لحظه عنيك
بس خايف انك تواعدنى
ويجى يوم تخلف وعدك
وانا لو حسيت انك هتسبنى
هسيبك وهتيقى لوحدك
خايف اديلك كل حبى
واشيلك جوه عنيا
واحبك بروحى وقلبى
وانت تطلع بتلعب بيا
ســـــــــــــــــــــــلام يا اغلى ما ليا
ســــــــــــــــــــــلام ياروحى وعنيا
حرام تبقى الجراح فيا
وانا جارح وانا ببكى
سنيـــــــــــن هتمر وتعدى
سنيـــــــــــن يدبل فيهم وردى
حزين والفرح مبيدى
ولا الاه تريحنى
ياريت البعد ده فى صلحى
مكنتش هشتريه بجرحى
مكنش اتحط فوق همى
صدقنى زيك انا واكتر
على البعد والله مهقدر
الحب ليه بيكبر
وبيجرى ليه فى دمى
ودعنا ده مصيرنا
قاصد يحيرنا
فضلنا وصبرنا
رجعنا من تانى
كملى الشهاده
مهيه دى العاده
نبعد وبزياده
نرجع ومن تانى
ســــــــــــــــــــــــــــــــــــــــــــــــــلام
الالم والعزاب والجراح
والحزن اللى مش بيعدى
واغلى الاحباب اللى راح
وسابنى فى الدنيا لوحدى
تبكى..ماحدش يحس بيك
تشكى..ومين هيسمع ليك
كله فى ناره وجرحه والمه
مين فينا مش شايل همه
كله بيصرخ اه من الجرح
كله بيتمنى لحظة فرح
..طريق حزن ملهوش رجوع
.لو بكيت بحر دموع
انا والناس حكايه تتكرر
الجرح فيها هو البطل
ومين فى جراحنا بيصبر
يخلى فى الدنيا امل
نبعد..ولفين البعد هيودينا
حبيب..مش لاقى حبيب يداوينا
انا والناس بنتالم
جراحنا جوانا بتتكلم
الحزن فى قلوبنا علم
ولامتى هنصبر ونسلم
انـا والنــاس
ليه واشمعنى انا
اللى الحياه دايما ظلماه
وليه لســــه انا
راضى بحكم الحياه
طب اعمل ايه
حاولت ازرع بسمه فو الشفايف
برجع والقى نفسى من الفرحه خايف
حبيت الناس وفخطرهم كنت الامان
لكن فى وقت ضعفى انا لازم..لازم اتخان
احب الدنيا واصفالها
لكن الدنيا مابتصفاش
واعيش وارضى بنارها
واقول بكره تحلى لكن مابتحلاش
حكم الحياه بقى صعب
والحزن والجراح بتزيد القلب
والقلب اللى كان شب
شاب ولسه عمره ماحب
نصيبى طول عمرى افارق
الفرح والسعاده واعيش فى الوجوع
وافضل طول عمرى غارق
فى بحر حزن ودموع
مليانه دموع
كأنها بتودعنى
حاسيت جواها شئ موجوع
وهى مش عاوزه تسبنى
بسألها ليه ماليها السكوت
وليه عنيها مش مفارقه عينى
مكنتش اعرف ان هيخدها منى الموت
ودى اخر مره هتشوفها عينى
ماكنتش بس حبيبتى كانت ابويا..وامى..واخويا..واختى
كنت بقولها هفضل معاكى ومش هسيبك لو لفين بعدتى
زنبك ايه عشان تموتى
وانتى لسه معشتيش حياتك والا عشتى الحب
عمرك جوه قلبى مهتموتى
والا هتموت صورتك جوه القلب
انتى وعدتينى وقولتيلى ان احنا لبعض
ومش هيفرق بنا اى مخلوق ع الارض
بس النهارده انا لوحدى
وانتى مش معايا
الدموع زى المطر على خدى
والحزن سكن جوايا
بعدك الفرحه ماتت
والحياه مابقاش ليها طعم
ونبض القلب ساكت
والدموع بتجرى زى الدم
لو ايه فى الدنيا يفرحنى
صدقينى الفرحه من غيرك بتجرحنى
سيبتينى بس لمين
سايبانى لليل اسود حزين
انا اعرف مين فى الدنيا غيرك
انا ماعرفش ناس تانين
عشت الفرح والحب معاك
ومش هعيش حياتى بعدك
ليه ماخدتنيش وياك
وليه تموتى لوحدك
ايه من غيرك فى الدنيا ممكن اتحمله
ده انتى كنتى الصبر والامل
صعب الطريق من غيرك ممكن اكمله
الطريق كله جراح لاتحتمل
نفسى اقولك ارجعى
نفسى اقولك محتاجلك اوى
محتاجلك يابر الامان
انا وسط الموج غرقان
دوامة الحياه مليانه احزان
وانتى الموت اخدك منى
ياترى حاسه بعدك اللى تعبنى
وحشتينى اوى وزكراكى
هو اللى فاضل جوه منى
ماتت حبيبة عمرى
ماتت شمس حياتى وليلى وقمرى
مــــــ ايهاب ــــــــــــاتــــت
فى لحظة وداع وقت غروب
مات الحنان جو القلوب
ندهت الاشواق علينا
وهى بتضيع من ايدينا
ارجعو حرام يضيع حب السنين
بلاش تكونو من الاحبه المجروحين
وصبح الوداع قدر وعلى الجبين مكتوب
فى لحظة وداع وقت غروب
مكتوب علينا نعيش حيتنا متفرقين ويا السنين
يصبح حاضرنا ذكرياتنا والجرح مكتوب على الجبين
ونتوه مابين حزن ودموع
نتوه ونتمنى الرجوع
ونقول خلاص ايوه خلاص
مالحزن عاش جو القلوب
فى لحظة وداع وقت غروب
مين ح يصـدق إن أنا لـيـا
دمعة فى عينى وليها زمان
نازلة بتجرى منى عليا
تشكى لقلبى من الحرمان
و نار الشكوى بتحرق فيا
و تعذب روحى و لا بتبان
غلبت أدارى و زى ما هى
حالتى المرة و الفيضان
إسمعى منى الكلمة دا هى
كلمة و نابعة من الوجدان
جايز تطلع سيمفونية
تملا العالم بالألحان
و لا تكون أنسام عصرية
رقيقة و هادية على الإنسان
و لا تكون وردة ندية
تغرى الناظر للبستان
و لا تكون كلمة عادية
يوماتى يقولها كل لسان
حدش عدا و شاف الميه
رايقة بتجرى و بات عطشان
مين ح يدور ع الحنية
و انتى عنيكى شوق و حنان
ياللى بقلبى و قبل عنيا
حسيت بيكى ناى و كمان
شفت الدنيا من حواليا
أحلى عروسة فى حلم جنان
و اما صحيت ما لقيت فى اديا
غير حدوتة و كان ياما كان
ليكى حياتى من غير دية
بس حذارى من النسيان
بس حذارى من النسيان
بس حذارى من النسيان
بـــــــلـوى كـبـيـرة و الله يـــا خــــــــــال
دنـــــــيـا مــا عــادش يــزيـنـهـا جـمـــال
و لا عــادش ضــــمـيـر الـنـاس بـيـفـوق
رامـيـنـوا فـى بـيـر حـطـوه فـى شــوال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
مـن امـتـى يـا نــاس بـنـقــول انــتـــــاج
الشــعــب فـقـيـر و الـبـيــت مــحــتــــــاج
و عـشــان بـتـــحــلــوا مـن الأبــــــراج
الـحــل بـيـولــــــد مـيـــــت إشــــــكــــــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
بـكــفــايـــة عــلـيـنــــا ان الـســـــتـــــات
زحــمــوا لــنــا شـــوارع و مـواصــلات
شـعـبــطـة لـعــلــطــة بــالـبـنـطــــلونـــات
غـــيـر ســـــــوء الــنــيــة و الأفـــــعـــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و تـقــابــلـك هــــانــم لابــســــة حـــــزام
عــرض الـكــف و كـــــلـه اخــــــــــــرام
تــحــتــه قــمــيـص الــنــوم يـا مــــدام
قــصـدى بـلــوزة رقـيـقــــــة و عـــــــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و الــلــى بـتـلـبــس جـيــبــة لـــونــيـــن
فـــوق الــركـبـــة بـيــيــجـــى شــبـــريــن
مـفــتـوحـة يــادوب مـا عــرفــش لـفـيــن
لــتــقـولــوا عــلــيــا واد بــطــــــــــــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
جـنــس نــواعــم كـــلــه حــــنــــــــــــــان
الـنــص الـحــلـو جـــنـان فــى جـــــنــــان
حــجــزوا وظــــايــــف كـــل مــــــــكان
وزيــــرة ســفــيــــرة رئــيــــس عـمـال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
دخــلـت الــقـســم لـقـيـــت الــصـــــــــــاغ
فــــــى بــقـــه لــبــــانــــه واد نــــــداغ
قــلــت أنـــا جــــاى و مـعـــايــا بـــــلاغ
فـــجـأة لـقـيـتــه زمـيــلــتــى ( مــنــــال )
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
ع الـمـكـتــب مـاســكــة فـى الـتـلـيـفـــون
تـرغـى و تـحــكـى فــى ســـــر الــكــــون
وعـــدى يـا بــلـــدى عــلـى الــكــركــون
كــيــف راح يـنـظـــر فـــى الأحــــــــوال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و تـشــوفــهــا شــغـــالـــة ســــــــــــواق
ســايــقـــة بــرقــــــة و بــــأخـــــــــــــلاق
أى زبـــــون تــحــلـــف لــــــــه طـــــلاق
لــو يــعــاكــســـهـا يـضـيـع فــى الـحـــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
تــلـعــب يــوجـــا أو كــــــراتـــــيـــــــــــه
تــرقــص شـــرقـــى و غـــربـى بــالـيــه
صـنـف الــراجـــل عــيــنـــى عـــلــيــــــه
لـبـســــــلامـتـهــا صـبـــح طــــبــــــــــــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
فــاضــــل أيــه انـــا و الله نــســـــيــــت
هـــــى الـــــكـــل وظــيــفـــة و بــيــــــت
مــلـيـــون لـعـــــنــة عـــلـى الإتــيــكـيــت
خــــــــــلا الــــراجـــل صــفـــر شـــمـــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و ابــن بــلــدنــا شـــــال شـــهـــــــادات
فـــوق الــــــــــرف مـــن ســـــــــنـــوات
عـــاطــــل دايــــــخ ع الشـــــــــــــركات
مــــالـــوش فـى بــــلـــدنـــا أى مــجـــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و تـيــجــى الـــهـــانـــم آخـــر الــيـــــوم
تــلــقـى قــصــادهــا تـــــل هــــــــــــدوم
قـــــامـــت تــغــســـــل كــبــــــس الــنــوم
قـــــام بـســـــــلامــتـــــــه مـــلا لـــحـبـال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و أخـيـــنـا الـشـــــــــهــم الـشـــمــــلــــول
الـــــــــــزوج الــــحــــر الــمــســـئـــــــول
لــمـــراتـــه اصــــبــــح دلـــــــــــــــــدول
ورا مـــنـــهـــا بــــلا أى جــــــــدال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
فــاحــــت الـــريــحــة يــا ألــــف حـــرام
و الـــراجـــــــل بـــقـــــى أى كــــــــلام
و عــيــالــــه احــتــرفــــــوا الإجـــــــرام
جــــنـــوا بــــاديـــهــــم ع الأطــــفـــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
مــا هــــى مـش فـــاضــيـــة لــــــلأولاد
بــعــــد الــشــــغــــل وراهــــا مــــعــــاد
تــلــقــى مــحــاضــرة فــى الإرشــــــــاد
و الـــــراجــــل طـــبــــاخ غــــســـــــــــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
فــوقـــوا يــا خــلــق شـــويــة مـعــــاى
مـصــر بـتـنـــزف بـتـقــــــــــول آآآآى
و الآهـــــة بـتـطــفـــــــــح جـــــــــــواى
أنــــــــــا بــنـــى آدم مــــش تـمــثـــــــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و انــتــم يــا لــلى قــــاعـــديــــن فـــــوق
مــصر بــتــغـــرق عـــــايـــزة الــطــــوق
خـــــدوا بــــاديــــهـــا لاجــــــل تـــفـــوق
يــامـــا راعـــتــكـــم و انــتـــوا عــيــــال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
و لاجــــل الــكــل يــعــيــش إنــســــــــان
و لاجـــــل الــبــيــت يـصــبـــح عـمــران
شـــيـلــوا الـشـــغــــل مــن الــنـســــوان
وادوا الــــــــــــراجـــــل الاســـــتـــقــــلال
بـــــــلـوى كـبـيـرة و الله يـــا خــــــــــال
#*#*#*#*#*#*#*#*#*#*#*#*#*#*#*#*#*#*#*#*#*#*#
#*#*#*#*#*#*#*#*#*#*#*#*#*#*#*#*#*#*#*#*#*#*#
ازي هدوء الليل وياكي
لما الهوا يبقى على هواكي
انا شايفك
وكأني معاكي
روحي جنبك
عندك حرساكي
وبتوصفلي
ما هي شيفاكي
وبتحكيلي
ما هي سمعاكي
والله كتير انا بحسدها
نفسي اكون لو مرة مكانها
لو معناها
هو هلاكي
عرفتي اني موجود جنبك
وكمان سامع دقات قلبك
عطر نسيم شَعرك ... أنفاسي
يا تري حاسة كمان احساسي
ولا كتابي كله مآسي
مكتوبلي أعيش وأملي سراب
وهلاكي بايد احبابي وناسي
و هذه أيضا قصيدة (حارتنا) للشاعر أحمد فؤاد نجم
_ حارتنا
_ مجاري وناموس
_ مرايه وفانوس
_ حجاره وكراسي
_ شباب ع النواصي
_ دقون ع الكروش
_ عرق ع القروش
_ شقوق في البيوت
_ بيوت في الشقوق
_ مساء تموت
_ صباحا تفوق
_ قديمه وغبيه
_ لبيبه وصبيه
_ في ضيق خرم ابره
_ في غوط المحيط
_ على الذل صابره
_ دا صبر الغويط
_ أسانس البلاده
_ معسكر ولاده
_ خسيسه وجبانه
_ جريحه ومهانه
_ ما تسمعش ندهه
_ رنين الدفوف
_ بتاكل ولادها
_ حتولد الوف
_ مادمنا ضعنا فيها
_ ضرورينلاقيها
...
حارتنا في الحواري
على علم الصواري
لو قال فوقها
الكناري
تتهز المشربيه
ياحوش ادم
يادارنا
يا ساكن حضن جارنا
سيدنا الحسين تبارك
شهيد الانسانيه
مدد سيدنا وشهيدنا
ياقايل ومواعدنا
يكون عيدك
وعيدنا
يوم طلعة شمس جايه
...ياحاره جوا حاره
يا مجمع السهاري
من كل حي
حاره
في الحضره الادميه
مدد انس الحبايب
مدد حاضر وغايب
مدد زين الصحايب
ياساده يا موجيه
...
فيك العيدان هزيله
شايله الحمول تقيله
ولا باليد حيله
ولا الايام هنيه
سيدنا الدردير يا بابا
مدد يابو الغلابه
فوق الحواري غابه
بتمص الادميه
...
صبحك صبايا صاحيه
هاللين من كل ناحيه
مدد ياسيدي يحيى
توعدنا باللي هي
ياحارتنا
يام شيله
هزي الهلال
وهيلا
قدامك يوم وليله
ع الفرحه
والعيديه
______________
قصيدة ((مفترق الطريق)) لصلاح جاهين
ساعات أقوم الصبح قلبى حزين
أطل بره الباب ياخدنى
الحنين
اللى لقيته ضاع
واللى اشتريته انباع
واللى قابلته راح وفات
الأنين
وارجع واقول
لسه الطيور بتفنّ
والنحلايات
بتطنّ
والطفل ضحكه يرنّ
مع ان مش كل البشر فرحانين
حبيبى سكر مر
طعم الهوى
فرق ما بيننا البين ماعدناش سوا
حرام عليك يا عذاب
نبقى كدة
اغراب
ده البعد والله جرح من غير دوا
آدى اللى كان وادى القدر
والمصير
نودع الماضى و حلمه الكبير
نودع الأفراح
نودع الأشباح
راح اللى
راح ماعدش فاضل كتير
ايه العمل فى الوقت ده يا صديق
غير اننا عند
افتراق الطريق
نبص قدامنا
على شمس أحلامنا
نلقاها بتشق السحاب
الغميق
وارجع واقول
لسه الطيور بتفنّ
والنحلايات بتطنّ
والطفل ضحكه
يرنّ
مع ان مش كل البشر فرحانين
___________________
الـبُـن - فؤاد حداد
القهوه تحبّ كنكه
والكنكه تحب كنبه
والكنبه تحب قعده
مبسوطة مربّـعه
وكـنّـا أربـعـه
أنا وانتِ وأنا وانتِ
وكنا عيون كتير
وطبلـيّـه وزير
ولا بنحبّ نبكي
ولا بنعرف نطير
أنا وانتِ وأنا وانتِ
سبنا البوسطه ورانا
في الترماي اللي داير
العـتـبـه للإمـام
كان ريقك جنبي ساكت
حـبّـيـتك من زمان
أنا وانتِ وأنا وانتِ
شـمّـيت لادن سعيد
شـمّـيـته من بعيد
شـمّـيـته من قريّب
خمس سنين حاغـيّب
على الشماعه خايـف
وباخاف على الدولاب
وبادوب على البـلاط
وباحسّ الظـله تـقلت
وباسـمع الوابـور
وباحسّ المـيّـه تقلب
أنا وانتِ وأنا وانتِ
الظُهر الشمس تلحس
الظله في الليمـان
والظهر الشمس تعمل
سيبرتايه دهـب
بصينا لبعض فيها
ومشينا لبعض نبكي
وقعدنا من التعب
أنا وانتِ وأنا وانتِ
باقول لك إيه باقول لك
حاجيب حاجات قديمه
قلبي كوره شراب
نلعب والا ما نلعب
فرحت لنا المدينه
وامبارح في التراب
أنا وانتِ وأنا وانتِ
وبنفرش ضينا
على ظلّة بعضنا
واحنا بنبرد هناك
علشان ندفا هنا
والقهوه تقول لنا
على بال النار ما تلسع
بتبقى حنـيّـنه
أنا وانتِ وأنا وانتِ
_________________
ومع اعز القصائد الىقلبىلانها باسمحب قلبى
يمكن صديقتى يمكن حبيبتى يمكن امى
(قصيدةعزة) للشاعر احمد فؤاد نجم
قصيدةعزة>>
عزه
الغرام في الدم سارح
والهوى
طارح معزه
والحنين للقرب بارح
والنوى جارح
ياعزه
ياابتسامة فجر هلت
بددت ليلي الحزين
ياندى الصبح الللي سأسأ
فوق خدودي الدبلانين
بل شوقهم
صحى لون الورد فوقهم
كل خد
وشم ورده
مين يدوقهم
غيرك انتي
ومين سواكي
ياحياتي
ياملاكي
يانسيم الحب لما هب
هز القلب هزه
ياهوى الاحلام ياعزه
...
الليلادي جم خدوني ياملاكي
جوز تنابله
ونص دسته
من التيران
كنت باحلم ياحبيبتي
كنت باحلم
بيكي انتي
كنا قال
انا وانتي قال
ف جنينه خضرا
ومحاوطها البرتقان
والسيسبان
وانتي جوا قرنفلايه
بالعبير بتستحمي
اجري يمك ياهوايا
تسبقيني وتجري يمي
أحضنك
واشرب عبيرك
من شفايفك
والغصون
واقفه وشايفه
بتراعينا
بس خايفه م العيون
والعيون بتقول كلام
والكلام
طاير حمام
بينادينا بالاغاني
ويهادينا بالسلام
كنت بحلم ياحبيبتي
كنت باحلم
بيكي انتي
ايوه انتي
ومين سواكي
ياحياتي
ياملاكي
يانسيم الحب لما هب
هز القلب هزه
ياهوى الاحلام ياعزه
وانطلق في الجو فجأه
ياحبيبتي
صوت مفاجأه
صوت يخلي الدم يجمد
اصحى يا احمد
اصحى يااحمد
وانتهى الحلم الجميل
وابتدا الهم التقيل
_ فين امام
_ انتوا مين
_ احنا ناس مكلفين
تيجي سالك مش ح تتعب
واحنا طبعا معذورين
_ انتو دود الارض
واللآفه المخيفه
انتو ذرة رمل
في عيون الخليفه
انتو كرباج المظالم
والمآسي
انتو عله ف جسم بلدي
انتو جيفه
_ سكتوه ابن الكلاب
سففوه من التراب
فتشوا كل الاماكن
طلعوا رفوف الدولاب
...
كمموني يا حبيبتي
كتفوني يا حبيبتي
قوموني..قعدوني
كل شعره في جسمي
بالعين فتشوها
المخده من جنانهم
شرحوها
وانتهى التفتيش
مافيش
صدقيني
ماتخافيش
هو فيه ياعزهعندي ممنوعات
غير باحب الناس
وباكره السكات؟
...
بص واحد من التنابله
جوا عيني
وانتي عارفه
عنيه صافيه وطيبين
زي كل عيون بلدنا يا حبيبتي
شباكين
ع القلب دوغري موصلين
كان مناه يلمح علامة خوف بسيطه
طب حييجي الخوف منين ابن
العبيطه
هو مين فينا الجبان
ولامين فينا الللي خان
اللي قلبه بالمحبه و بالاماني
وبالربيع لاخضر مزهر
والاغاني
ولاكلب الصيد
واسياده الاباطره
أكالين لحم البشر
فوق الصواني؟
هو مين فينا الجبان
ولامين فينا اللي خان
هو بص في عيني بصه
ارتجف وف حلقه غصه
واتعوج ومال وقال
جملتين مش مفهومين
أصله شاف صورتين جمال
في العيون الطيبين
مصر في العين الشمال
وانتي في العين اليمين
سالت نفسى كتير مرستش يوم على بر
انا اللى فيا الخير ولا اللى فيا الشر
سالت نفسى كتير مرستش يوم على بر
انا اللى فيا الخير ولا اللى فيا الشر
مليان عيوووووووب ولا خالى من الذنوووووووووب ولا
مليان عيوووووووب ولا خالى من الذنوووووووووب ولا
ولا ايييييييييييييييييييييييييييييييييييييه
ولا انا جوايا ومش دارى الاتنين فى بعض
وخمسميت حاجه وملهومش دعوة ببعض
ولا انا جوايا ومش دارى الاتنين فى بعض
وخمسميت حاجه وملهومش دعوة ببعض
ياشعبي حبيبي ياروحي يابيبي
ياحاطك في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدوخ واخر انسطال
احبك مكبر دماغك مخدر
ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار او ريال
واحبك تطبل تهلل تهبل عشان
مطش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغلي مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعمللي روحك مفرد رجال
ساعتها حجيبك لايمكن اسيبك
وراح تبقى عبره وتصبح مثال
حبهدل جنابك وادل اللي جابك
وحيكون عدابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضيه وتصبح رزيه
وباقي حياتك تعيش في انعزال
حتقبل ححبك حترفض حلبك
حتطلع حتنزل حجيبلك جمال
حتطلع حتنزل حجيبلك جمال
حتطلع حتنزل حجيبلك جمال
..........
السبت سبتمبر 10, 2011 3:23 am